قادرون بأختلاف 3 ...

تالت شخصيه "أحمد عربي" عنده 27 سنه و بيشتغل HR specialist .. حصلت له حادثه عربيه في 2007 .. و نتيجه الحادثه دي قعد شهرين في مستشفي المعادي و بعد كدا 15 شهر في مركز اعاده تأهيل العجوزه و بعد كدا رجع البيت ...

بسبب الحادثه جاله اصابه في النخاع الشوكي (t-12) .. بسبب الاصابه اصبح من مستخدمي الكراسي المتحركه .. أكبر المشاكل اللي قابلته كانت انه مش لاقي شغل لحد ما بدأ شغل في ابريل 2014 و أنه مبقاش معتمد علي نفسه زي الأول بسبب خوف أهله عليه ...

مشاريعه اللي جايه هتكون كرسي متحرك بمواصافات خاصه و كمان يشتري عربيه تساعده يعتمد علي نفسه في تحركاته و يعمل MBA كمان ...

أتعرف علي مؤسسه الحسن عن طريق زميله له .. و قابل المؤسسه في TEDx AUC مره و في Marriott الزمالك .. و اتعرف عن طريقهم علي الكرسي المتحرك اللي بمواصافات خاصه و مقاس خاص ...

أحمد شايف أن أكبر المشاكل اللي بيقابلها هي أنه في الأول معرفش يلاقي شغل بسهوله لأنه مبيتحركش لوحده .. الأماكن في مصر مش مجهزه لمستخدمي الكراسي المتحركه .. و أن التعاطف الزياده من الناس بيؤدي الي نتيجه عكسيه تماما ....

أحمد شايف ان الأماكن عشان تكون accessible او تنفع مستخدمي الكراسي المتحركه .. لازم يكون في رامب و اسنسير و طرقات واسعه و أبواب واسعه و toilets كمان .. الحكومه من وجه نظر أحمد لازم تشترط علي اللي بيبنوا عمارات جديده ان يكون في شقه في الدور الأرضي لمستخدمي الكراسي المتحركه و طرق واسعه و ابواب واسعه لتسهيل الحركه علي مستخدمي الكراسي المتحركه .. المفروض يكون في تسهيلات في المصالح الحكوميه و الأتوبيسات العامه و عربيات في المترو .. و أن يكون في مدارس و جامعات داخليه فالطلاب من مستخدمي الكراسي المتحركه يقدروا يتعلموا بسهوله من غير مشكله الذهاب و العوده ...

بالنسبه لي أحمد شخص ايجابي جدا .. لأنه شايف ان استخدامه للكرسي المتحرك مش عائق و صدق انه الأعاقه الحقيقيه في ثقافه المجتمع و طريقه تفكيرنا .. و قرر انه يشتغل و يدرس دراسات عليا و يطور من نفسه و يتعلم السواقه و يجيب عربيه و يعيش معتمد أعتماد كامل علي نفسه زي الأول و أحسن كمان ...

Facebook page: Alhassan Foundation 

for Spinal Cord Injury

Website: www.alhassan-foundation.org

رقم حساب مؤسسه الحسن: ٧٠٥٧٥٠ في البنك 

العربي الافريقي الدولي - فرع نادي الصيد