اللي عايز ينجح .. هينجح 3
المرتين اللي فاتوا اللي اتكلمت فيهم عن "اللي عايز ينجح .. هينجح" اتكلمت عن بنات و ازياء و مكياج .. المره دي هتكلم عن راجل و عن عمل خيري ...
بدأ مشواره مع الخير من تاني سنه في الجامعه .. و بدأ القصه اللي قرر يشاركها معاكم عن طريقي .. عشان تعرفوا ان "اللي عايز ينجح .. هينجح" ...
جاسر درويش .. من مواليد 91 .. عاش في السعوديه 14 سنه .. و رجع مصر عشان الجامعه .. بيدرس صيدله في اخر سنه ...
ابتدأ حبه للعمل الخيري و التطوع في تاني سنه ليه في الجامعه .. بدأ في مؤسسه داخل الجامعه بس خسر في الانتخابات .. بس ربنا بعتلوا منصب في مؤسسه محليه في مجال الصيدله ...
بعدها بسنه .. خسر في انتخابات بردو .. بس البره دي اخد منصب في مؤسسه عالميه للصيدله .. و هو اللي سابها و قدم استقالته عشان "فكه" ...
فكه هي مؤسسه غير هادفه للربح .. للتنميه المجتمعيه عن طريق الفكه اللي الناس مش بتهتم بيها و بتدعم مشاريع مجتلفه و متطوره للشباب بالفكه .. اسست و شهرت في 15 مايو 2013 و مسجله برقم 5322 لسنه 2014 ...
اجدد حاجه "فكه" عاملها دلوقتي هي .. اتفاقيه مع AISEC جامعه القاهره .. عشان الinterns من برا مصر يشتغلوا في مشاريع "فكه" ...
النجاح لا بسيط ولا سهل .. و اللي يقول غير كدا يبقي عمره ما نجح .. بس علي قد تعبك و معفرتك هتنجح .. و ربنا هيعوضك علي تعبك خير ...
لو فشلت في حاجه .. ربنا اكيد شايلك الاحسن بس ماتقعدش حاطط ايدك علي خدك .. انزل و اسعي و فكر و اشتغل .. حط حلمك قدام منك و اجري ورا :)
Comments
Post a Comment