In A Parallel Universe
في عالم موازي .. كلمه منتشره جديد .. بس فهمت معني مهم اوي ليها انهرده .. و نفسي نطبق المفهوم دا ...
العالم الموازي اللي هتكلم فيه معاكم انهرده .. موجود ورا الكواليس .. عباره عن مدينه كل اللي فيها من ذوي الاحتياجات الخاصه .. مش معني انهم ذوي احتياجات خاصه انهم ميعرفوش يعيشوا و يبنوا حياه ...
Nick Vijcic .. راجل مولود منغير لا ايدين ولا رجلين .. و كان حلمه يعيش طبيعي .. و دلوقتي هو متجوز و عنده ابن .. فاتح بيت و بيشتغل ...
في غير Nick كتير اوي .. بس اللي يعرفني و يعرف الblog هيفهم انا ازاي بحب الراجل دا ...
المهم ان في ناس مش بتسمع و بتعزف مقطوعات رائعه زي Beethoven .. و ناس مش بتشوف و بردو بتعزف تحف زي عمار الشريعي .. و شخص عنده شلل نصفي بس بيلعب رفع اثقال ...
لازم نساعدهم يطلعوا احسن ما فيهم .. مش بس ذوي الاحتياجات الخاصه .. و كمان الأيتام زي عبد الحليم حافظ و حافظ ابراهيم و ارسطو و ستيف جوبز .. و كمان المرضي و المسنين .. و كمان الاميين ...
تعالوا ناخود فرصه نطلع احسن ما فينا و نطلع احسن ما في غيرنا .. او فكرت شويه الاسامي اللي فوق دي ماكنتش هتكون الاسامي اللي فوق دي منغير امل و مساعده و منغير ناس زي و زيك .. انشروا الامل و ساعدوا كل اللي حواليكوا و اعملوا عبد الحليم جديد و عمار الشريعي جديد و Nick جديد و غيرهم كمان :)
Comments
Post a Comment