أعرفني
انا عايزه اعرفني اكتر دي كانت اكتر جمله بقولها و سؤال بسأله لنفسي كتير اوي .. كنت بجد عايزه اجابه و كان الموضوع مهم اوي بنسبه ليا .. و فضلت كتير بفكر و بقراء و بقابل ناس و بسمع videos عشان اعرفني اكتر ...
كانت رحله مش طويلع اوي في الوقت بس عميقه جدا .. بس في الاخر عرفتني و فهمتني الحمد لله ...
ابتديت بدل ما امشي ورا الموده و خلاص اجرب كل حاجه جديده و مختلفه .. فبدأت اعرف بحب ايه و مش بحب ايه .. بدأت اعرف اني بحب اتمشي علي البحر و اشوف صحرا و جبال .. بحب اسمع موسيقي و اغاني قديمه و منير و علي الحجار و حمزه نمره و عمار الشريعي و عمر خيرت .. اكتشفت اني مش بحب اسمع english غير قليل اوي .. عرفت اني بحب السينما جدا .. عرفت اتي بحب القراءة و الكتابه و اني اكون مثقفه و ليا رأي و في نفس اللحظه مهتمه بنفسي ...
و من سؤال مالوش اجابه لسؤال عرفني نفسي اوي .. من الاخر مافيش سؤال مالوش اجابه .. لازم نسأل و ندور علي اجابات لأسئلتنا ...
يلا اسألوا نفسكم و اعرفو الاجابات و اعرفوا نفسكم اكتر عشان تعرفو تستمتعوا بنفسكم و بحياتكم ...
Comments
Post a Comment