ندي قلعت الحجاب و بقيت مزه (مع ولا ضد)
الحجاب بين المع و الضد .. بسمه السباعي مدونه من المدونات اللي بحبهم جدا جدا .. كتبت من فتره ان ندي قلعت الحجاب و بقيت مزه .. و بتناقش ان ازاي احنا شايفين المواضيع غلط .. و بقيت موده و حاجه جديده ان البنات و الستات تقلع الحجاب .. و بتكلم عن فساتين السهره اللي بكارينا ولا بوليرو و طرحه .. و ان ممكن واحده وحشه و مش محجبه فتكون احلي من الحلوه بس محجبه .. و كمان فصل الصيف و البنات المحجبين اللي لابسين كارينا و طرح فسفوري و الشبشب و الخلخال و المناكير الفسفوري و المايو بتاع الغطس دا .. و بسمه علي فكره محجبه و بتقول معاناه البنات اللي ممكن تخاليهم يفكروا في خلع الحجاب .. و بعدين بتقول ان المفروض نستحمل الحجاب لأن ربنا فضلك علي غيرك كتير بحجابك و خالاكي مختلفه عن كل الناس ...
و دا اللينك: http://basmaelsebaei.blogspot.com/2014/02/blog-post.html?m=1
اقروا و اكتبولي و هخليها تقرا اراءكم في اللي هي كاتباه ..
بس للأسف المشكله مش في اللي بسمه كاتباه .. المشكله في الناس اللي بتترجم الكلام علي كيف كيفها .. و تيجي بنت مايهمنيش اسمها ولا ديانتها .. بس تيجي تكفر بربنا و تتريق علي فرض ربنا اللي قاله و امر بيه .. و حتي لو انا مش محجبه بس عارفه ان الحجاب فرض و ربنا يقدرني عليه انشاءالله .. و مع اني شايفه ان الحجاب مش علامه ادب ولا تربيه ولا اخلاق ولا اي حاجه بس عمري ما هستهزء بيه .. فانا شايفه بردو ان الرأي حتي لو ضد يا يتقال بأدب يا مايتقلش اصلا ...
و عايزه اقول بردو ان ماينفعش نضايق و نبطل نكتب عشان اراء هدامه و ملهاش اي لازمه كمان .. الرد بجد بالكتابه و انك تشرحي ليها يمكن مش فاهمه .. و اهم حاجه ماتشرحيش بطريقه direct بس فاهميها بالتدوين بردو ...
و دي تدوينه صغيره عشان انسانه بحبها و منغير ما اعرفها .. و مش عايزه غير دعمها و انها تعرف ان كتابتها كويسه و الناس بتحبها جدا و مش عشان نقد واحد اتقال بطريقه غلط و تدل علي سطحيه اللي قاله انها تزعل و تبطل كتابه .. عايزه اقول ليكي يا بسمه ان انا بس في مش اقل من 10 عاملين share و معجبين بندي قلعت الحجاب و بقيت مزه ...
في اراء كتير غير الرأي اللي مضايقك :)
Comments
Post a Comment