ورا الكواليس
ورا الكواليس .. فكره جديده من بدايه (مؤسسه خيريه غير هادفه للربح) في الGerman University in Cairo و في ال British University in Cairo و أنشاء الله قريب جدا هتكون مؤسسه مستقله مش بس نشاط طلابي ...
ايه موجود ورا الكواليس؟
الحاجات دي كلها و أكتر منها موجود ورا الكوليس .. و لازم احنا ندخول ورا الكواليس و نساعد .. لازم نساعد و بأبسط حاجه .. مش كل حاجه الفلوس الاهم منها المعنويات .. الابتسامه او حب كتير او مساعده منغير طلب ...
بلاش اول حاجه تفكر فيها تكون الفلوس و تصاعبها علي روحك عشان ممكن مرتبك او مصروفك يكون صغير او مسؤلياتك كتيره جدا .. خاليك في الحاجات اللي عندك منها كتير و ببلاش و ممكن تنفع غيرك معاك كمان ...
الوقت .. اللي ممكن تقضيه مع اميين و تعلمهم حاجات تفيدهم زي القراءه و الكتابه و الحساب .. ممكن تقضيه مع أطفال شوارع و تعوضهم حنان و حب مش لاقينه .. او تقضيه مع ذوي احتياجات خاصه و تقولهم انهم ممكن يعملوا معجزات و تحكي لهم عن عمار الشريعي و Nick Vujicic و غيرهم كتيير .. ممكن تقضيه مع مرضي و مسنين مش عايزين غير شويه امل و حد يسمع لهم .. او تقعد مع ايتام و تعوضهم عن الحنان اللي فقدوه ...
الابتسامه .. المفروض ماتفرقش وشك اصلا و تكون امل لغيرك .. اكيد في ناس كتير ورا الكواليس و محتاجين الامل و السعاده من ابتسامتك .. اكيد في مريض او مسن او يتيم او ذوي الاحتياجات الخاصه او امي او غيرهم عايزين يحسوا بالتفاؤل و ان الحياه لسا قدامهم ...
لما بتشوف مسرحيه حلوه اوي بيكون نفسك يكون ليك دور فيها .. حيه الوقت ان يكون لك دور في احلي و اطول مسرحيه و هي مسرحيه الحياه .. تعالي معانا ورا الكواليس و ابدأ في دورك ...
Comments
Post a Comment