توب علينا يا رب !!
عايز تعرف اخلاق جيل اعرف بيشوف و بيسمع و بيقرأ ايه .. دي مقوله انا بحبها اوي .. بس لو عايزيين دقه اكتر ف هتكون .. لو عايز تعرف اخلاق اي انسان لازم تعرف بيشوف او بيسمع او بيقرأ ايه ...
يعني الانسان اللي طلع و كبر و فهم عائله ونيس و محمد منير و علي الحجار و عمر خيرت و يوسف شاهين و فن الزمن الجميل .. لا يمكن يقارن بانسان طلع و كبر و فهم عبده موته و حلاوه روح و المهرجانات ...
يعني فكروا معايا كدا .. واحد اتربي علي قيم و اخلاق بابا ونيس و ماما مايسه ولا واحد اتربي علي ابراهيم الابيض و عبده موته و حلاوه روح .. واحد اتربي علي علي الحجار و محمد منير و عمر خيرت ولا واحد طلع علي اوكا و اورتيجا و بوسي و تامر حسني .. واحد اتربي علي القراءه ولا طلع علي الكتب منقرضه ...
الواحد دا ممكن يكون واحده بردو :)
انا شايفه ان تدني الاخلاق سبب من اسبابه التربيه و سبب تاني الثقافه اللي اختفت ...
فكر تسمع موسيقي عمر خيرت و اغاني محمد منير و علي الحجار و حمزه نمره و غيرهم من اللي شبهم و شوف افلام زي لامؤاخذه مثلا .. جرب تمسك كتاب و تقرا .. من الاخر جرب تكون انسان بجد .. هتتغير .. هتكون احسن كتيير ...
و يا سيدي او ستي .. اسمعوا مهرجانات و هشك بشك كتفاريح و خلاص .. بلاش ونبي يتحولوا لثقافه و فن جيل او اجيال :)
Comments
Post a Comment