دعم .. أعمل خير عشان ربنا يحبك
عندنا في الجامعه الالمانيه في مركز لدعم ذوي الاحتياجات الخاصه .. انا ماكونتش اعرف عنه اي حاجه لأن المقر في المنطقه الصناعيه و دي في المجاهيل الي حد ما ...
بس عشان انا بحب جدا ذوي الاحتياجات الخاصه .. و بالأخص الDawn Syndrome .. قرارت اكتشف فين المركز دا ...
روحت سألت فين المقر و مين المسوؤل .. و مشيت مشوار طويل لحد المنطقه الصناعيه .. و دخلت المكتب .. رغم اني قاطعت اجتماع بس راحبوا بيا .. عاجبهم حماسي و قادروا رغبتي في التطوع معاهم ...
اصل الحكايه كلها في ان ملهمش ذنب ان الناس كلها تشوفهم ناقصيين و يا حرام .. لاء المشكله فينا احنا مش فيهم هما .. المشكله اننا شايفين انهم ناقصين مع ان النقص فينا احنا .. احنا اللي شايفين يا حرام ناقصهم كتير مع ان احنا اللي ناقصنا كتير ...
هما مش محتاجين نظره يا حرام مننا .. بس محتاجين نمسك ايدهم و نعلمهم و ندخلهم معانا في الحياه ...
بصراحه دي مبادره تستحق الاحترام و التقدير من الجامعه و اتمني ان الجامعات كلها تعمل مبادرات شبه كدا .. بعد ما ذوي الاحتياجات الخاصه بيخلصوا المدرسه بيجوا الجامعه و يتعلموا حرف و مهارات الحياه .. و بعدها بيشتغلوا في الجامعه ...
اي طالب في الجامعه يا ريت لما يكون في وقت فاضي استكشف المكان و اتطوع .. روح اتكلم معاهم و اتعرف عليهم .. اعمل خير عشان ربنا يحبك ...
اي حد مش في الجامعه و نفسه يشارك .. تعالي الcharity bazaar عشان هناك بيعرضوا الحاجات اللي عملوها .. و لو معاكش فلوس كفايا تقلوهم انها حلوه اوي و عاجبتك .. و لو معاك فلوس فرحهم اكتر و اشتري منهم حاجه تعبوا فيها علي ما اتعلموها و عاملوها ...
شجع الخير .. اعمل خير ..
غير فكره .. غير حياه ..
اعمل خير عشان ربنا يحبك :)
Comments
Post a Comment