الرقابه من جوا و من برا
حلاوه روح .. حجر اساس .. عبده موته .. و غيره كتيير اوي .. افلام ملهاش اي معني ولا هدف ولا قصه .. فيلم عباره عن انعدام تربيه و اخلاق .. بدل ما ندي للأطفال و الشباب نماذج كويسه يكون نفسهم يكبروا و يكونوا زيهم .. بنقول للأطفال ازاي تتحرش ببنات الناس و ازاي تكون في علاقه مع مدرستك و انت عندك 11 سنه .. و ازاي تكون نصاب و بلطاجي ...
طب الاخلاق هتيجي منين .. لو قرضنا ان الاهالي بتربي فالبيت .. فدا بيروح برا البيت من الصحاب و الافلام و الاغاني و الاعلانات و كل حاجه حوالينا ...
رأي الشخصي اننا نمنع الاعلانات دي خالص .. و الاغاني و الكليبات يكون ليها قنوات معينه و معروفه عشان يكون اختيار الاهل .. و الافلام دي يكون لها سن .. لازم يكون في رقابه من جوا البيت و من برا كمان .. الرقابه مش بس من برا بس بردو مش فيلم لاموائخذه يفضل سنين في الرقابه و الافلام دي بيتوافق عليها بسهوله ...
دور البيت مهم و الرقابه اللي جوا اهم .. مهم اوي اني اعرف عيالي بيعملوا ايه و بيعرفوا ايه و اصحابهم ايه و بيشوفوا ايه و بيسمعوا ايه ...
يا رب نرجع للتربيه و الاخلاق .. بدل القرف اللي احنا فيه دا .. اصل التربيه و الاخلاق بقيت نوادر اليومين دول ...
Comments
Post a Comment