من حال الي حال
قادر ربنا يغير الاحوال و يبدل الاقدار .. بس نعمل ابسط حاجه و هي الدعاء علي الاقل .. امبارح كان حر و بليل مطر و ثلج و برق و رعد .. فربنا يقدر يغير الاحوال من حال لحال تاني خالص ...
في حديث شريف لسيدنا محمد عليه الصلاه و السلام بيقول ان الاقدار بتتغير بالدعاء .. يعني ممكن ربنا يكتبلك حاجه و بالدعاء و الالحاح في الدعاء يتغير الاقدار ...
السؤال هنا احنا ليه مش بندعي غير في المطر .. ليه فاهمين ان الدعاء مقبول بس في المطر .. ليه بندعي و احنا في فقلوبنا شك ان كان ربنا هيقبل دعاءنا او لاء .. و لو اتاخر تقبل الدعاء شويه نقول مش هيتقبل ...
ربنا بيحب اللي يدعي و يلح في دعاه كمان .. دا اتقال ان الدعاء بيغير المكتوب .. عايزين ايه بعد كدا ونبي .. و الله مش بالمطر خالص بس بالثقه فأن ربنا هيعمل الخير و هيحقق الدعاء .. و لو ما تحققش الدعاء اتأكد ان ربنا شايلك الاحسن ...
يلا ماتنسوش تعملوا وقت في يومكم بس للدعاء و الالحاح في الدعاء .. و ربنا هيستجيب او هيعملك الاحسن كمان ...
انا وقت الدعاء بنسبه لي قبل النوم .. الشويه اللي بكون فيهم لسا مدخلتش في النوم دول .. باتكلم مع ربنا في كل حاجه ممكنه و مش ممكنه و انا واثقه انه هيعملي الخير و الاحسن كمان ...
صباح الفل :)
Comments
Post a Comment