اتكلم مع ربنا دايما
ربنا لازم كل شويه يعمل حاجه يخاليك تفتكروا اوي .. و تظبط كدا علاقتك معه .. يعني لو ايمانك قل سيكا ربنا بيرجع يفكرك انه مسؤل عنك و عن كل حاجه حولك ...
لما تتعب ارفع عينك لربنا و ادعي انه يشفيك .. لما تزعل ارفع عينك لربنا و ادعي انه يفرحك .. خاليك دايما جنب ربنا و اتكلم معاه كتير هتفرح و ترتاح جدا لانك مع ملك كل شئ ...
بدل ما تحسد و تحقد في نعم عند غيرك و مش عندك .. افتكر ان ربنا هو اللي بيدي و هو اللي بياخد .. من الاخر في ايده كل شئ .. بص في نفسك و في حاجتك و بس .. ملكش في حاجه غيرك حاجه .. اتبسط باللي في ايدك و بس ...
اخرك ادعي ربنا دايما يعملك الخير ليك و يرزقك بالصح .. و بلاش تحسد و تحقد في خلق الله .. ملكش دعوه و خاليك في حالك و في اللي معاك .. ربنا عارف يرزق بايه و امتي و مين و فين و ليه و هتتعلم ايه و هيعلمك ايه و هتعلمه ايه ...
اي حد بتقبله في حياتك ربنا خالك تقابله لسبب حتي لو ماتكلمتوش تاني او مشفتوش بعض تاني .. اي مكان بتروحوا في عمرك كله ربنا بيوديك هناك لسبب .. اي حاجه بتحصل في حياتك بتكون لسبب مش شرط نعرفه دلوقتي .. كفايه اوي اننا نعقلها و نتوكل :)
Comments
Post a Comment