و انا واقفه قدام spongebob
و انا واقفه قدام spongebob انهرده قررت قرار مهم جدا .. قررت انه يكون الhero بتاعي .. ماهو اصل الhero او البطل مش شرط خالص يكون بطل خارق او انسان حقيقي .. مش كل الابطال superman .. بطلي هو spongebob ..هو بطلي عشان دايما بيضحك و مبسوط .. لا مش كدا و بس .. دا كمان بيضحك و بيبسط صحابه و كل اللي حواليك ...
شخصيه دايما مبسوطه و طيبه و بتحب تساعد غيرها دايما .. شخصيه اجتماعيه جدا و بيعمل اي شغل علي اكمل وجه .. و كمان هو شخصيه ناضجه عايشه بروح الطفل اللي جواه ...
و كمان spongebob علمني حاجات كتير اوي في الحياه ..
علمني التفاؤل لأنه دايما بيشوف الموقف من احسن زاويه ممكنه و مش بيخاف ولا بيقلق ابدا و بيثق في قدراته و ان اي ازمه هتتحل ...
علمني الطيبه لأنه بيحب يعمل كل حاجه بتطلب منه .. و مالوش ف أنه يزعل اصحابه ابدا .. بيوافق ما بين كل الناس و اصحابه علشان مايخيبش ظن حد فيه ...
علمني البراءه لأنه مابيعرفش يعيش بأي احساس بالندم .. مايعرفش يعيش حاسس انه ندمان او معملش كل اللي يقدر عليه ...
علمني مخافش من حاجه في وقت الشده ﻷنه ممكن يحس بخوف سعات بس لو حاجه لازم يتشجع فيها بيحس بشجاعه و ثقه في نفسه و قدراته ...
انا مش متابعه spongebob .. و يمكن كل اللي شوفته مايجيش 5 حلقات اصلا .. بس بحب جدا الشخصيه دي .. بحب حبه للحياه و انه اجتماعي و متفائل دايما ...
الhero ممكن جدا يكون spongebob و مش لازم يكون المحارب المغوار .. و قبل ما تقرر مين بطلك او بطل عيالك تأكد انك تحب تكون دايما في شخصيته او مكانه و تتصرف زيه .. مش لازم يكون بيطير ولا اي حاجه فوق الطبيعه .. كفايه اوي يكون spongebob ...
Comments
Post a Comment