Happy Valentine's day <3
صباح الحب .. مع كل الحب هنكلم في الحب انهرده .. بما ان انهرده يوم الحب و عيده السنوي .. امشي في اي شارع و شوف كم الاحمر و كم الورود و كم الدباديب .. و تلاقي جميع الاعمار و المستويات الاجتماعيه بتحب علي نفسها كدا ...
عموما ربنا يهني سعيد بسعيده .. و يرزق سعيد بسعديه .. و يرزق سعديه بسعيد ...
المهم .. انا مش معترضه علي الحب ولا ان يكون له عيد .. بس معترضه ان احنا منكونش فاهمين الحب اصلا .. بس فالحين نحتفل و نفلتن و نحمر كلنا ...
طب ما تيجوا نفهم الاول ان الحب دا حاجه حلوه اوي .. حاجه اعمق بكتير من اتنين .. الحب اهل و اصحاب و حبيب و خطيب و زوج و اولاد .. مش عيب نحب بس عيب اننا نتاجر بالحب ...
اصل الفالنتين بقا موسم .. اه و الله موسم .. موسم للورد و موسم للهدايا و موسم للخصومات و العروض و موسم للحفلات و موسم للدباديب ...
ليه بتراخصوا معني الحب لشيكولاته و ورد و دباديب .. ليه مش كفايا ان الحب دا يكون مشاعر و اهتمام ...
جنب المشاعر و الاهتمام ممكن جدا يكون في هدايا .. بس بلاش تفاكروا الحب يوم و تنسوا 364 يوم ...
في الاخر .. كل سنه و انتوا طيبين .. يا رب دايما نعيش في اجواء الحب و التفاؤل .. بدل ما يكون يوم واحد في السنه :)
Comments
Post a Comment