Dr. Phil Johnson (2)

كلنا عايزيين نعرف مين يفضل في حياتنا و مين لا يمكن يكمل في حياتنا و مين ممكن نعافر شويه و نحافظ علي علاقتنا معاه .. و دا الجزء التاني من الconference بتاع "Dr. Phil Johnson "You2.0 the upgrade .. هنتعلم ازاي نقفل و نشغل العلاقات في حياتنا .. زي كدا لما الموبايل ولا الروتر لما بيعلق ف بنقفلوا و نفتاحوا تاني ...

عشان نكون شخص احسن .. اول خطوه اللي تقدره تفتكروها من هنا: https://shahdsteaparty.blogspot.com/2014/02/dr-phil-johnson-1.html و اللي كانت بتتكلم عن ازاي نعرف و نفهم نفسنا ...

تاني خطوه اللي هنكلم عنها انهرده عن ازاي نعرف نفهم و نكمل او نوقف علاقتنا باللي حوالينا ...

الكلام دا ممكن تطبيقه علي صحاب او حبايب .. يعني الكلام مفيد في كل العلاقات اللي بنمر بيها في حياتنا من علاقات صحاب او حب و خطوبه و جواز ...

اهم حاجه في اي علاقه بين اتنين او اكتر هي الصراحه و الصدق .. و العلاقات اللي قريبه اوي مننا من صحاب او شركاء حياه مهمه جدا في حياتنا و اننا نكون احسن نسخه من نفسنا .. أرسطو قال اننا بنحتاج الصحبه الكويسه عشان نكون فعلا مبسوطين .. ف اللي مطلوب ان صحابنا يكون بيساعدونا و بنساعدهم نكون ناس كويسه و من احسن لاحسن و احسن ...

و لازم نعرف ان اللي بنكون معاهم كتير بيكونوا علامه للعالم بتوضح احنا مين .. زي ما الرسول عليه الصلاه و السلام قال ان الصديق علي دين خليله ...

الاحتمالات بتعتنا بتأثر في علاقتنا و اختيارتنا جامد جدا .. لما توقعتنا بتكون عكس اللي احنا فيه او عكس النتايج بتاعت العلاقات بتعتنا طبيعي نكون في ضغط ملوش سبب واضح اوي .. و طبعا النتيجه الوحيده هتكون ان مافيش استقرار ...

مبادئ العلاقات:

• الاهل و الطفل .. و هنا الحب من فوق او من الاهل لتحت او للاطفال ...
• المستشار .. و هنا العلاقه بس تجاره او انه بيعطيك اللي عنده و بس ...
• صاحب الشغل و اللي بيشتغل عنده .. و هنا الوضوح هو المفتاح ...
• الشركاء في الشغل .. و هنا لازم تكون مختار اللي فيه شبه بينكم و كمان عندكم نفس الهدف ...
• الصحاب .. و هنا لازم يكون في التزام و رحمه ...

انواع العلاقات:

• الزملاء .. في دراسه او شغل ...
• اصحاب الموقف او اللحظه .. لما العربيه بتعطل في وسط الشارع ...
• الاصحاب اللي شبهنا ...
• الاصحاب اللي مش متوقعين .. نشوفهم مره و بيكونوا اصحابنا بسرعه ...
• اصحاب الروح .. احلي و اقوي و اطول نوع ...

عشان نعرف ان العلاقه دي لها قيمه او لاء .. لو قيمه هيكون فيها الحاجات دي:

• العلاقه دي بتزود معني لحياتك ...
• بتخاليك في احسن حالاتك و بتظهر احسن حاجه فيك ...
• صادقين معاك دايما ...
• اسرارك في امان معاك ...
• احاديثكم مع بعض احسن من حديث كل واحد فيكم لواحده ...
• تقدروا تختلفوا و تتخانقوا بس في الاخر بتسامحوا و تنسوا ...

عشان تعرف انك في علاقه ملهاش لازمه .. لازم تسأل نفسك الاسئله دي:

• لما بتكون مع الانسان دا بتحس انك راضي و نشيط ولا انك مش كامل و متضمر ...
• لما بتقضوا وقت سوا بتحس انك احسن ...
• بتحس معاه انك نفسيا و جسديا في امان ولا انك في خطر نفسي او جسدي ...
• يا ترا بينكم فيه علاقه عادله هات و خد ولا انت دايما بتدي و هو بس بياخد او العكس ...
• العلاقه دي فيها مشاعر الامان و القناعه ولا الدراما و القلق ...
• بتحس ان هو مبسوط بيك زي ما انت ولا دايما عايز يغيرك عشان هو يتبسط ...

العلاقات السامه و لازم تتخلص منها بسرعه هي:

• الديكتاتور: عايز يتحكم دايما و دايما شايف نفسه فاهم ايه الخير للي حواليه ...
• اللي لازق فيك: دايما عايزك تهتم بيه و يعتمد عليك و من الاخر مش عايشين غير بيك ...
• المتنمر: دايما غضبان و قاسي و ممكن يضر اي حد واقف في سكته ...
• مش عارف اوله من اخره: شايف الدنيا منافسه من الذكاء و بيعرف يحور كل حاجه لمصلحته و بس ...
• انا و بعدي الطوفان: معندوش وقت لاي حد غير نفسه و مش مهتم باي حد غير نفسه و بس ...
• المعالج: بيحلل المواضيع بزياده اوي و بيحلل كل حاجه بتعملها و تقولها و دايما بينصح ...
• اللي بيقلد: دايما عايز يكون زيك و بيقلده كل حاجه انت بتعملها ...
• الام: دايما عامل فيها ام لكل الناس ...
• صياد الاخطاء: دايما بينقد و مافيش حاجه بتعملها تعجبه ابدا ...
• مبيتبلش في بقه فوله: و دا اي سر يتقال لكل الناس و بيعشق النم ...

لا يمكن اللي بيعمل الحاجات دي يكمل في حياتك:

• بياخد بس و انت بتدي بس ...
• مش بيقويك ولا بيقف جنبك ...
• متقدرش تقول له اي سر ...
• بيخالوك في اسوء صورك ...
• بيخيبوا ظنك و عن عمد ...
• مش بيحبه ولا يحترموا عيلتهم ...

ينفع تنقذ علاقه سامه؟ ممكن تحاول .. اول حاجه كدا لازم تتعترف اصلا انك في علاقه سامه عشان اغلب الناس اللي في علاقه مسممه يا اما مبيعرفش او مبيعترفش .. اول ما هتعترف هتعرف انك تستاهل احسن من كدا ...

• لما يحصل تصرف وحش واجه و قول اول ما يحصل ...
• لما تواجه بالتصرف الوحش دا انسب الكلام بنفسك .. يعني قول انا شايف انك بتشوف دايما اني بعمل كل حاجه غلط و دا بيحسسني بكذا و كذا .. او انا هقدر و هحب لو تبطل كذا ...
• لو التصرف الوحش دا ماتغيرش ف لازم العلاقه دي تنتهي ...

امتي اعرف الوقت اللي لازم انهي في علاقه؟ 

ببساطه كدا لما الشخص دا يكون بيستغل ضعفك .. بياثر عليك اكتر ما انت بتاثر عليه .. لما تكون اختيارات الانسان دا بتأذيك نفسيا .. لما يكون مابيعرفش يطلع احسن ما فيك ...

ازاي انها علاقه؟

ببساطه بردو خاليك صادق في تقيمك لقيمه العلاقه دي .. خاليك صادق مع الشخص التاني في احتياجات العلاقه دي عشان تستمر .. خاليك متوافر اقل بكتير من قبل كدا .. واجهه لو ينفع .. خد اجازه منه .. كمل حياتك انت بقا ...

ازاي اعمل علاقات بطول العمر؟

• تقدير الاخرين عن طريق الحب و تقدير الاخرين ...
• الثقه في الله ...
• السعاده الحقيقيه بتيجي لما تظهر الاخرين مش باطفائهم ...

و دا تاني جزء .. استنوا تالت جزء بقا الاسبوع الجاي :)