Dr. Phil Johnson (1)

ما بين الشهر ال18 و الشهر ال24 من عمرنا بنبدأ نتعرف علي نفسنا .. يعني قبل ما يكون عندنا سنه و نص او سنتين بنكون في حاله "انا مش عارفني" ...

في مرحله المراهقه و العشرينات بنبدأ نتعرف علي حقيقتنا .. يعني في الاول بنعيش 20 سنه او اكتر مش عارفين حقيقتنا .. يعني بنخلص من رحله التعرف علي مين احنا و بنبتدي رحله التعرف علي ايه حقيقتنا ...

في اربع حاجات بتحدد يا ترا احنا عارفين نفسنا و حقيقتنا ولا لاء ...

• اول حاجه .. المعرفه .. انك تعرف حقيقتك من جوا .. تعرف ايه بيحمسك و ايه هي احاسيسك المختلفه و ايه طلباتك و ايه الحاجات اللي بتخاليك احسن و مختلف و ايه اللي بيخاليك ضعيف ...
• تاني حاجه .. نكون موضوعيين في تحسين نفسنا .. انك تعرف مين انت فعلا  .. متنكرش ولا تكبر ولا تطنش اي حاجه هتسعدك انك تقييم نفسك اكتر بس اهم حاجه بموضوعيه و بتقبل للايجابيات و السلبيات كمان ...
• تالت حاجه .. التصرف .. انك تعرف تصرفك دا نتيجه ل مين انت و ايه القيم اللي بتعتمد عليها في حياتك .. احنا بنعتمد في تصرفتنا علي القيم و الاولويات و المتطلبات بتعتنا .. مش لازم دايما نسعد اللي حوالينا علي حساب سعادتنا احنا و مش لازم دايما نتجنب العقاب و نجري ورا الجوايز و بس ... 
• رابع حاجه .. طريقتك في علاقاتك .. انك تعرف اقرب ناس ليك حقيقتك الحلو والوحش كمان .. توصل ل مرحله من الصدق و الانفتاح مع الناس اللي قريبين اوي ليك لدرجه انهم يعرفوا حقيقتك بحلوها و وحشها كمان ...

يا ترا ازاي بتتعامل مع اللي حواليك .. بتحاول تكون زيهم و خلاص .. ولا بتنفرد بنفسك .. عشان تكون زي الاوركسترا في التناغم و التوافق مع اللي حواليك .. لازم تفهم حاجتين ...

• اول حاجه .. راقب نفسك .. و بكدا هتشوف ايه اللي بيحصل حواليك و تبدأ تتأقلم مع اللي بيحصل .. بتحاول ببساطه تظبط نفسك علي اللي بيحصل حواليك ...
• تاني حاجه .. تحكم ف اللي حواليك .. و بكدا انت اللي بتتحكم في اللي بيحصل حواليك اي ما كان .. بتتعايش مع اللي بيحصل و كمان بتشجع الناس انها ماتكونش زيك بس توصل للمستوى بتاعك ...

ازاي تكون عارف حقيقه نفسك فعلا ...

• اقرا روايات .. احلى طريقه انك تعرف لو انت في مكان حد تاني هتعمل ايه .. و دا هيساعدنا نعرف مين احنا ...
• تأمل .. و دا بيصنع اوقات مفرحه كتير مش معتمده علي اي حاجه خارجيه .. و بكدا تعرف تحقق الاكتفاء الذاتي لنفسك و بنفسك ...
• ادرس اللي بتعمله كويس .. اعرف انك عندك اختيارات كتير و مختلفه و بتقدر تختار صح ايه اللي هتعمله ...
• بس بلاش تدرس اللي بتعمله بزياده .. الناس بتعمل الصح منغير ما تفكر كتير .. اعتمد شويه علي احساسك ...
• عيش لوحدك شويه .. الوحده مش دايما وحشه .. شويه هدوء و وقت لنفسك حاجه مهمه جدا .. عشان تعرفك كويس لازم تاخود شويه الوقت دا ...
• خاليك متصل بالناس .. المجتمع هو طريقه كويسه عشان تعرف نفسك بعلاقتك مع اللي حواليك بدل ما تكون علي طول لوحدك ...
• اشتغل جامد .. اي ما كان ايه اللي بتعمله .. اعمل اللي بيبسطك و اللي بيظهر انت مين اكتر و اكتر ...
• عادي لو خسرت .. الخساره مش عيب لأنك لازم هتشوفها علي الاقل مره ...

كون حقيقي و دا الاختلاف ...

• ابدأ اعرف انت اتولدت ليه ...
• كفايه تتظاهر بأنك شخص غيرك و أبدأ تكون انت ...
• متخلصش وقت غيرك ...
• اهتم بشؤون غيرك ...
• شوف الحقيقه في اللي حواليك طول ما انت عايش حياتك بحقيقه ...
• اعرف نفسك و قيم حياتك الاجتماعيه و القياده .. حقق الحكمه و التأثير و القياده في كل موقف بتعدي بيه ...

و دا الجزء الاول .. خليك حقيقي :) Dr. Phil Johnson في seminar اسمه You2.0 

استنوا الجزء التاني ...