دكتور حب
دي موضه جديده كدا طالعه في المقدر جديد .. دكتور حب او اسامه منير علي نجوم اف ام او تامر شلتوت علي ميجا .. مكالمات نص الليل لبنات و ولاد عندهم مشاكل عاطفيه و عايزين لها حل .. و دكتور حب هو حلال المشاكل ...
للدراجه دي مابقناش عارفين نحل مشاكلنا .. اي مشكله بين اي اتنين مهما كانت خاصه جدا بنداخل فيها اطراف ابعد من تالته .. بندخل في مشاكل خاصه مذيعين .. دا حتي مش دكتور ولا اخصائي حتي ...
و مكلمات البنات اللي بتكلم من تحت السرير و من ورا باباها و مضروبه او بتضرب .. مشاكل خاصه جدا بتطلع برا جدا ...
احنا فشلين مش بس في حياتنا .. لا دا احنا فاشلين في اصغر حاجه .. فاشلين نحل مشاكلنا .. ببساطه مش عارفين ناخد مسؤليه قرارتنا .. خايفين جدا ناخود قرار حياتنا .. عايزين حد تاني ياخود المسؤليه و يقرر و احنا مشكورين ننفذ ...
انتم عارفين دا زي اه .. زي ماتكون عربيتنا بس مسلفين الدركسيون لحد .. الحد دا كمان ميقربلناش اي حاجه .. دا كائن بدايه معرفتي بيه الو و نهايه معرفتي بيه مع سلامه ...
سؤالي دلوقتي لكل حد سمع البرامج دي او اتكلم فيها و خد نصيحه دكتور حب .. ايه احساسك و انت مش مسؤل عن قرارت حياتك البسيطه جدا و موكل حد ماتعرفوش .. مبسوط ولا لاء .. ولا هتتبسط اكتر لما تمسك انت دركسيون حياتك بنفسك و تسوقها بردو بنفسك .. و مش عيب خالص تاخود u-turn لما تدخول شارع غلط و ترجع تاني .. بس اوعي حد يسوقلك حياتك ...
Comments
Post a Comment