شخابيط كتير و العنصريه غير مقصوده :)
البنات الكيوتات و البنات الزرافات .. الكيوتات و هما القصيريين تحت 160 سنتيمتر .. اما الزرافات ف طبعا الطوال فوق 160 سنتيمتر .. والله مش هكلم عن الطول دا بتاع ربنا و النعمه .. بس في حاجات كدا ليا رأي فيها قوي اوي .. مثلا الكيوتات بيشمروا البنطلون لأنه طويل عليهم و بيفضل بنطلون عادي بس الزرافات بيقلب معاهم بنتاكور .. مثلا تاني الكيوتات يلبسوا كعب و يفضلوا كيوت عادي بس الزرافات يلبسوا كعب يكسروا النجف ...
طيب ليه كل واحد مش راضي بحاله .. ليه الطويل عايز اطول و القصير عايز يطول .. كل حاجه ليها حلوها .. الطويل ليه ميزاته و حلاوته .. القصير ليه ميزاته و حلاوته ...
البنات و المكياج .. دا صراع للأسف .. تحسي كدا ان البنت بتتخانق مع الكحل ولا الروج .. و للاسف بتتعامل مع وشها زي ما بتتعامل مع بيض شم النسيم .. كل الالوان اللي عندك و علي وشك يا معلم ...
ممكن نفهم المكياج صح .. انه تحديد ملامح بس مش تغير ملامح ...
البنات و لفات الطرح .. حسبي الله و نعمه الوكيل .. يعني لفه سبانش و الطرحه اللي فيها عيل دي و الوان ملهاش علاقه باللبس اصلا .. او حجاب بتلت كوم .. و فيه حجاب فوق الركبه و كولون ...
مش هقول غير اتقوا الله .. يا تتحجبوا صح يا بلاش .. لان و انتي مش حاسه بتكوني صوره وحشه للاسلام و الحجاب ...
دي كانت شويه شخباطات عن بلاوي بشوفها .. مش قصدي احكم علي حد والله .. بس اللي بيحصل دا حرام و ميرضيش حد خالص ...
و اسفه جدا لو كلامي فيه اي عنصريه غير مقصوده :)
Comments
Post a Comment