برنامج المشروع
هو حاجات كتير و تجربه ممتعه و اصبح حلم جديد في دايره احلامي اللا نهائيه ..
الاول هو ناس كتير و مختلفه و عايشين قابلين بعض و من اول مقبله ..
احلامهم بسيطه و ممتعه و مفيده .. نرجع هويتنا و نعمل ديكور مصري و بس .. نتمرد و نكون مهما كانت الظروف و نعمل اماكن ثقافيه .. نعبر عن نفسنا و نساعد الناس تعبر عن نفسها و نعمل خط ازياء مصري تشكيلي بالكلام العربي .. نروح لأخر الدنيا عشان احلامنا و ننتج زيت زيتون من سيناء .. نستوعب طموحنا و نشوف احلامنا البعيده و نعمل تصميمات اثاث مبتكره .. مش مهم رأي الناس اوي يعني و مفيش حاجه سه5له و نتعلم بأختلاف علي الانترنت لأن من حق كل الناس تتعلم .. الدنيا حلوه و بتحلو و الطريق طويل و ممكن نعمل مصنع ملابس بيقدم هدوم رخيصه و فرص عمل .. نتعلم من اليابان و نعمل مشروع اقتصادي .. الجمال موجود في كل حاجه احنا بس ساعات مبنشوفهوش و ممكن نعمل خط ازياء مصري للفقراء و الاغنياء و نشوف في كل مشكله فرصه .. البنات لما بتكبر بتبطل تلعب بالعرايس بس ممكن متبطلش و تعمل مسرح عرايس .. الرقص وقت ممتع و ممكن نعمل مشروع تعليم رقص لكل الناس .. لما تغلط مش مشكله المهم انك في الاخر توصل للي عايزه و ممكن نعمل ستوديو اذاعي في كشك .. فوق و ادخل في الزحمه و دور حتي لو توهت و اعمل مدرسه لتأهيل ذوي الاحتياجات الخاصه .. سابق الزمن عشان احلامك و متخفش من حاجه و ممكن نولد طاقه بديله للوقود ..
دي احلام الولاد و البنات في المشروع .. 14 ولد و بنت ب 14 حلم .. خلال الحلاقات هيكون في محطات او مسابقات عشان احلامهم .. بعد كل مهمه هيتعلموا حاجات ..
في الأخر و بعد ما طولت عليكم .. احلم و مفيش احلام مستحيله و اجري ورا حلمك و حققه ..
... التحفير الذاتي هو اكتر عقبه ممكن تقابل الانسان ...
Comments
Post a Comment