حصاله الحب
حصاله الحب دي موجوده في اي علاقه بين اتنين او اكتر .. العلاقه دي ممكن تكون علاقه امومه او ابوه او اسره او صداقه او حب .. و الحصاله دي مش ملموسه بس بتتحس.
لازم تكون مليانه فالحياه تبقي بمبي و ربيع و مليانه سعاده.
و احنا بنملي الحصاله دي و بنحوش فيها حب .. لازم كل واحد يركز مع نفسه و بس .. ملكش دعوه الطرف التاني حط اه .. خاليك في حالك.
و الحصاله دي بتتملي بحاجات صغيره و مش مكلفه .. بس بتعمل فرق كبير.
كلمه حلوه و صادقه هتعمل فرق .. جواب و حاجات من القديمه الحلوه دي هتعمل فرق .. اعمل حاجه مش متوقعه في وقت مش متوقع و انت كدا عملت فرق.
و طول ما حصاله الحب مليانه الحياه هتكون حلوه و لو في لحظه الحصاله فضيت الحياه هتعكنن و يا لحقنا يا ملحقناش.
يلا كل واحد يركز في نفسه و في كل حصالاته مع اهله و صحابه و اللي بيحبهم .. و ابدأ املي و حط في الحصاله و هتلاقي الشخص التاني ابتدأ يحط بردو و الحياه هتبقي بمبي و ربيع حتي لو في عز الشتا :)
Comments
Post a Comment