برنامج المشروع 2

انهرده الحلقه التانيه من برنامج المشروع .. اول برنامج لرواد الاعمال علي التلفزيون المصري .. و هنكمل مع ال 14 حلم ل14 ولد و بنت من كل مكان في مصر ..

اول تحدي ليهم كان انهم يشتروا 10 حاجات من اماكن مختلفه في انحاء مصر .. كل فريق من الفريقين اتقسم لفرق اصغر ينزلوا اماكن مختلفه و يشتروا الحاجات المطلوبه .. و دا التحدي الاول اللي هيخلي شخص واحد يكمل حلمه بس مش مع المشروع ..

اول تحدي انهم يوصلوا للمكان في اسرع وقت و باقصر طريق .. تاني تحدي انهم يشتروا الحاجات في اسرع وقت .. تالت تحدي الفصال .. رابع تحدي يفكوا الالغاز عشان يعرفوا المطلوب ..

لازم نركز و نقرا كل حاجه .. و الleader لازم يخلي باله من كل الفريق .. لازم نتحكم فالوقت و المشاكل اللي بتقابلنا بطريقه صح .. لازم نكمل بعض .. و في الاخر لازم نتعلم من اخطاءنا و اخطاء غيرنا كمان .. بلاش نتردد .. ناخد قرارت سريعه بس مش متسرعه ..

نيللي كريم قالت رايها .. عجبها اختلاف الرواد .. و عجبها الاحلام .. و كانت مبسوطه بيهم و باحلامهم .. في حاجات كتير اهم من برامج الغنا ..

الحكام بدأوا يحكموا .. و علقوا علي ان كويس انهم يخدوا وقت لوضع خطه تسهل المهمه بعد كدا .. و ان لازم نهتم بالguidelines .. و ان التواصل و التفاهم و تقسيم الادوار دي حاجه مهمه جدا .. البدايه القويه بتنتج نهايه مميزه ..

من الفريقين هنعدي و شلنجز .. في فريق كسبان و فريق خسران .. الكسبان هو هنعدي .. و الخسران هو شانجز .. لازم يعرفوا ان الموارد محدوده و لازم يكون عرفين اه العايزينوا فعلا .. و شلنجز هيصوتوا ضد الشخص اللي ممكن يكون اضعف حلقه في السلسله .. و حلم مصطفي هيكمل برا المشروع و اخد 10000 جنيه و لابتوب سامسونج عشان يسعدوا ..
الخساره مش اخر حاجه .. اهم حاجه نتعلم عشان نكسب .. و ان الافتراضات مش دايما بتكون صح ..