حلمي اللي اتمني يكون حلمنا .. حلمي و حلمك

أنا عايزه اعيش في كوكب تاني ...

زي ما قالها مدحت صالح .. انا رفضك يا زماني يا اواني يا مكاني .. في عالم تاني فيه لسا اماني .. فيه الانسان لسه انسان ...

اصل الانسان في كوكبنا مش انسان .. اه و الله .. ناس بتموت و دمها هدر .. و ناس بتتصاب و دمها هدر .. مافيش حد بيتحرك و لا بيتكلم غير لو المات يخصه او بيبيع بدمه ..

انا بقا عندي الانسان لسه انسان .. و صعبان عاليا و بدافع علي كل اللي ماتوا في فلسطين و سوريا و لبنان و دارفور و جوانتنامو .. بحزن عن اللي ماتوا في التحرير و مصطفي محمود و رابعه و النهضه .. 

لازم يكون عندنا احساس و نحزن لكل الجثث و المصابيين اللي بنشوفهم ... ليه مبقناش بني ادميين .. ليه الادميه ماتت و عفنت كمان ...

انا للاسف كنت ساعات مش بزعل لما حد ضدي يموت ولا يتصاب .. طول ما القريبيين ليا بصحه و عافيه خلاص .. بس بدون اي مقدمات التفكير الاسود دا اتغير .. فعلا زعلانه علي كل اللي ماتوا و بيموتوا او اتصابوا و بيتصابوا .. 

حقهم هيرجع في الدنيا او في الاخره .. بس هيرجه و الله كبير ...

جايز ظلام اليل يبعدنا يوم انما يقدر شعاع النور يوصل لابعد سما .. و انا بعتبر كتاباتي تكون شعاع نور في الظلام .. 

دا حلمنا طول عمرنا حضن بضمنا كلنا كلنا .. حلمي و اتمني يكون حلمنا ان نكون "كلنا انسان" و وحده كل الاوطان اصل كفايا ان كل واحد فينا انسان.

اما بنسبه لموضوع الحريه حلال .. ف قصدي ان الحروب حرام .. كل انسان له الحق انه يعيش حر .. بس تحريم الحياه دا وحش اوي .. النظره النازيه و الساديه دي غلط .. كل قوم و فرد له الحق في الحياه و الحريه ...