المؤسسات الخيريه متغيرتش .. احنا اللي اتغيرنا

المؤسسات الخيريه و الله ملهاش علاقه بالسياسه ولا اي انتمائات ...

رساله شغاله بينا و لو متبرعناش ولا سعدنا مش هيشتغلوا و مش هيسعدوا اي حد محتاج ..

بنك الطعام شغاله عشان تأكل الناس تحت خط الفقر و مش لاقيين ياكلوا اصلا منغيرنا هيرجعوا ميكلوش تاني ..

بنك الشفاء شغلها بتبرعتنا عشان ناس تشفي منغيرنا هيموتوا ..

تبرعتنا كانت فلوس و منتجات و وقت و مجهود كمان .. دلوقتي و بعد ما طلعت اشاعات ان المؤسسات دي تابعه للاخوان و مش عارفه اه .. طب المحتاجيين يعملوا اه .. طب الجاعنيين يعملوا اه .. طب العيانيين يعملوا اه .. 

يا رب نعقل و نفتح مخنا و نكبره .. اصل حتي لو بينتموا للاخوان .. مش بردو بيعملوا نفس الشغل و بيحققه نفس الاهداف .. المؤسسات دي متغيرتش .. احنا اللي اتغيرنا ...

مش عارفه اقول اه غير ربنا ما يحوجني لحد و يسعدني اساعد اللي اقدر عليه باللي اقدر عليه ...