كلنا مجرد انسان .. مهما كانت اعتقاداتك

انا مش اخوانيه بس ضد العنف اللي بيحصل و مع حقوق الانسان و مش بوشين زي اغلب الناس ..

انا مش ضد الجيش بس مش مع الدوله العسكريه ولا الدينيه ..

ضد الدوله الدينيه عشان الدين بيني و بين ربنا و بس ..

ضد الدوله العسكريه عشان الجيش للحدود ..

دي وجه نظري البسيطه في السياسه .. انا مش اخوان و مش ضد الجيش .. انا مع مصر .. 

و زي ما انا ضد العنف و مع حقوق الانسان .. مفرحتش لموت حد ولا اصابه حد ..

من مات او اصيب علي حق ف نحتسبه عند الله شهيد .. حقه عند ربنا ..

من مات او اتصاب دون حق ف الله يسمحه .. حقنا عند ربنا ..

مافيش حد كبير علي حد .. كل حد حر في انتمائاته و ايماناته .. و ربنا هو اللي فوقنا كلنا ... 

اللي عارفني كويس بس يعرف اني بحترم كل الناس .. مش فارق معايا دماغك مؤمنه ب اه .. مش بمسح حد من عندي علي الفيس .. شايفه ان كل واحد حر يكتب اللي يحبه و من حق كل الناس تعبر عن نفسها .. دون استفزاز ...

زي ما انا مش بعامل حد بعنصريه اتمني عدم معملتي بعنصريه ...

انا لا مع فصيل معين .. و لا انا ضد فصيل معين .. انا فصيل لوحدي .. عندي ايماناتي و اعتقاداتي .. لا انا ضد حد و لا مع حد .. مش طالبه حد يكون معايا و لا حد يكون ضدي .. طالبه احترام متبادل .. طالبه كمان ماتكونش فيه عنصريه .. طالبه عدل ...

#الله_أكبر (مش شعار بس احساس ان ربنا هو الاكبر و عنده كل الحقوق محفوظه)