الغجر

" الغجريه بنت الوادي و الصحرا .. انا المولوده تحت السما الحره .. حكاوي السحر عني كتيير يحكوها .. انا الفرس الي قلبه عليك .. انا الصخره ... "

في حد يعرف مين هما الغجر غير انها شتيمه في مصر .. و بما ان نص كلام العالم بيعتبر شتيمه دلوقتي ف دا بقس حاجه عاديه عندنا .. و دي كارثه اصلا ...

الغجر هما ناس زينا زيهم بالظبط .. هما اختاروا الحريه و السفر و الترحال من بلد لبلد .. ليهم style معين في كل حاجه .. و دا بيميزهم .. بكل معاني الكلمات هما بيعشقوا الحريه و مابيخافوش من احلامهم ابدا .. 

دا بيعجبني انا شخصيا اصلا ...

موجودين في بلاد العالم العربي و الاوروبي و الامريكي .. عادي جدا .. بس في المانيا في النظريه النازيه .. اعتبروا الغجر في اخر الlist اللي بيقسموا فيها الشعوب بنظره طبقيه فاشله ...

في فتره هتلر و كوارثه الكتير ضد الانسانيه .. كان في 20,000 غجري و اصبحوا 15,000 غجري بعد هتلر ...

المعلومه اللي فعلا عجيبه بنسبه لي .. ان في اكتر من مليون غجري بس فس مصر .. و مبنعرفش نفرقهم عنا خالص ...

اللذيذ كمان .. و احنا كعالم بنظره احتقاريه بنتعالم مع الغجر حتي ككلمه بأنهم اقل و و و .. اغلب لبسنا و الstyle بتعنا كله دلوقتي غجري .. اللبس الloose و الواسع من skirts و فساتين و غيره المزركشه و ملونه .. و الاكسيسوار الفضه الكبير و الخرز و التتريز الكتيير .. كل دا غجري الاصل ...

الغريب ان الناس بتعتبر الجريمه بس منهم .. هما نفسهم مش معترضيين ان في نسبه قليله مجرميين .. بس المجرميين في كل الشعوب ... 

الجميل انهم عالم جوا العالم بكل معاني الكلمه .. لو اتخانقو بيعملوا حاجه زي فعده العرب كدا و مالهومش دعوه بالقانون .. ليهم عاداتهم و تقاليدهم .. منها مثلا تعدد الزوجات .. الزواج من غجر و بس .. الانجاب بكثره عشان العزوه .. بيحتفلوا بولاده البنت اكتر من الولد اصل البنت هي اللي بتحمل و تولد .. ليهم لغه خاصه بهم متوارثه من زمان .. بيشتغالوا في الاعمال اليدويه و بيدرسوا كمان .. لا يمتلكوا من الدنيا غير خيام .. الستات بيتعلموا بردو قراءه الودع و ضرب الرمال .. 

يقال انهم في مصر عايشين في منطقه عند سور مجري العيون و بعض المحافظات في مصر ... 

دعوه كدا لقبول الاخر اي ما كان و بدون اي اعتراضات ...

كلامي بناء علي قراءه و بس .. قريبا ان شاء الله هزورهم :)