Pay it forward

انهرده اتفرجت علي فيلم pay it forward لاول مره .. اولا مش هنقد الفيلم دراميا عشان مش شغلتي و ماليش ف الكلام دا .. بس الفيلم كان ورا قصه و درس مهميين .. مش مهم اي حاجه غير الدرس دا ..

الدرس دا هو اكسر الروتين و بلاش تعيش جبان .. لو تقدر تعمل حاجه لحد مش هيعرف يعملها لوحده .. اعملها و ماتخفش .. علموا يعمل هو كمان حاجه تغير حياه انسان بس لثلاث بني ادميين .. 

ابدا بنفسك دلوقتي ال pay it forward movement .. اعمل حاجه تغير بيها حياه انسان للاحسن و منغيرك حياته مش هتتغير .. و اطلب منه هو كمان يغير حياه 3 اشخاص .. 

هتلاقوا الخير بيزيد بسرعه رهيبه .. الاول انت لوحدك .. بعدين 3 .. بعدهم 9 .. بعدهم 27 .. و هكذا

حاجه تانيه عجبتني فالفيلم دا .. المدرس بتاعهم شرح ال social studies عاندهم بطريقه open minded تخالي الطلاب يفكروا و يفهموا مش يحفظوا و بس .. يعني حاول يسألهم اسأله تفتح مخهم .. يعني زي مثلا .. العالم بنسبالك اه .. اه العالم محتاجه منك .. و عامل project لطول السنه ان كل واحد يفكر ف فكره تغير عالمنا للاحسن و يبدأ ينفذ الفكره دي ..

ليه مثلا في مدارسنا منعملش كدا .. اه المشكله لو عاملنا project التلامذه تشغل فيه مخهم و ينفذوا و يغيروا العالم بوجهه نظرهم البسيطه .. و مع كل سنه يتعلموا يخدوا الفكره دي لnext level و يفضلوا كدا .. يتخرج متعلم و بيشتغل و عنده فكرته اللي بتغير العالم .. علي الاقل العالم بتاعه ..

دا تعمير الارض اللي ربنا قال عليه و أمرنا بيه كمان ..