قعده مع النفس

في كتاب و فيلم Eat .. Pray .. Love قالوا ان لكل شخص مننا كلمه بتوصفوا كويس اوي .. مثلا lively لحد بيحب الحياه .. طيب عمرنا فكرنا ف كلمه اللي بتوصفنا او معموله لينا و بس ..

الكلمه دي انا شايفه اني لازم احبها و احب كل حاجه فيها .. و تكون بتوصفني كويس جدا .. و اكون انا كمان فاهمها و بوصفها كويس .. 

ممكن كلمتي انا تكون UNIVERSE .. اه العالم كله .. حاجات كتير ف اماكن مختلفه ف العالم بحبها جدا و متأثره بيها جدا جدا .. ف عشان كدا انا انتمائي للعالم و وطني هو العالم كله ..

احساسي بكله عالم دي حلوه اوي .. كلمه بتقولي كدا اكتشفيني .. كلمه كمان طعمها حلو اوي .. عالم ...

و لو اتكلمت شويه عن ان احساسي بالوطن هو ان وطني هو العالم كله .. عشان العالم بنسبالي ارض كبيره فيها جبال و هضاب و بلاد و قره و قارات كمان .. و شويه مياه علي شكل بحار و محيطات و بحيرات و انهار .. الانسان هو اللي قسم بلاد و حدود و الحاجات الوحشه اوي دي ..

بس ف الاخر كدا كل شخص فينا بينتمي ف الاصل للعالم .. 

-حاولوا تفهموني هتكتشفوا اني مش مجنونه ولا حاجه و كلامي عين العقل كمان .. اقروا الكلام تاني كدا و افهموا ...

من الاخر انا و كلنا كمان وطنا الاصلي العالم كله بس احنا اللي استكبرنا العالم عالينا و قسمنا بلاد و حدود و قرف .. 

#حب_العالم كله علي بعضوا مش ناس حلويين و ناس كخه .. كلنا ف الاخر انسان .. الحاله الوحيده اللي ممكن فيها منحبش حد لما نبدأ الدخول ف حريات بعض .. اصل ف الحاله دي هنبدأ حروب و هم ما يتلم .. و الكره بيجيب كره اكتر .. و الدم بيجيب دم اكتر ...

من الاخر كدا انا بردو وطني العالم كله .. و بحب كلمه "عالم" .. كلمه استكشافيه كدا و مليانه فضول و شغف و سفر و اماكن بحبها و ناش بحبهم .. كلمه لما الحبايب كلهم من الاخر ...

نصيحه: دور علي الكلمه اللي بتعبر عنك و عيش بها و لها ...