صديقتي الابديه .. في النهايه لك نفسك
مين هي صحبتي دي .. اه اللي بيخاليها ابديه .. و اشمعنا هي بالذات
صديقتي الابديه دي تبقي نفسي .. ابديه علشان هي معايا و انا عايشه و لما اموت كمان .. هي بالذات عشان دايما معايا و مش هتسبني .. مفيش مصالح بينا .. نجاحنا واحد و فشلنا واحد مفيش منافسه
اتعلمت من و انا صغيره اني اتكلم و اتناقش معاها كمان .. اتعلمت مازعلش منها بس
اتعلم منها .. اتعلمت احبها مهما حصل .. اتعلمت اني مش همشي ولا خطوه منغيرها
من الاخر كل واحد فينا ربنا خالقه برفيق الدرب جوا منه .. في نفسه .. ممكن تكلموا سوا .. تنجحوا سوا .. تحبوا بعض .. تضحكوا و تفرحوا .. محتاجين غيرها اكيد اصل احنا مش ف الدنيا لوحدنا .. بس تصالحنا معاها سر الحياه اصلا
مش قصدي خالص نكون انطوائيين ولا حاجه .. دا الجنه منغير ناس ما تنداس .. بس قصدي التصالح مع النفس و حبها و صداقتها هو دا بيت القصيد زي ما بيقولوا يعني
لما يجي الليل و كل الناس تنام .. مس هيفضلك غير نفسك من الاخر و لازم تتصالح معاها عشان تعيش مرتاح و مبسوط
Comments
Post a Comment