كل اللي يجي في الريش بقشيش
"كل اللي يجي في الريش بقشيش" مقوله معروفه جدا بنقولها مثلا لما العربيه تتخبط بمعنى ان مش مهم اللي حصل في العربيه دا بقشيش اننا بصحتنا و كويسين .. طب ليه مش بنعمل نفس الحاجه مع باقي المشاكل اللي بنقابلها !! مثلا اتخنقتي مع صحابك او حبيبتك سابتك او خطيبك فركش معاكي او اطلقتي او سيبتي شغلك او فشلتي في مشروعك .. ليه بقا مش بنقول ان كل اللي يجي في الريش بقشيش .. ما طول ما انت لسا ليك عمر و عندك صحه كل المشاكل اللي عدت دي جات في الريش مش أكتر ف نعتبرها بقشيش ... الحياه صعبه و يوم حلو و يوم مر .. و كلنا عارفين دا و متأكدين منه لأن ربنا مش جايبنا يعذبنا أكيد !! و بما أن الحياه فيها صعوبه اللي هي المشاكل و المصايب اللي بتعدي بينا فيها الحلو بتاع ان لينا في العمر بقيه و كمان عندنا صحه و الحمدلله ^_^ ف نبوس ادينا وش و ضهر و نكمل حياتنا زي ما احنا عايزينها ... هو الطفل اول ما بدأ يمشي قام و جري ولا واحده واحده مشي و وقع و قام و اتسند و مشي تاني .. و تاتا تاتا وصل للمكان اللي هو عايزه !! طب ليه بقا عايز نفسك اول ما تصاحب ولا تتخطب ولا تتجوز ولا تشتغل ولا تتعلم تجري الدنيا مع...
Comments
Post a Comment